i am the eggman

kung may ara man ko nga ginakakunyagan kung magluto kami embutido, ina wala sang liwan kundi ang ulihi nga pulutson nga embutido. ang ibig sabihon, ang sobra nga tinanok nga itlog, pwede ko makaon. palakaon ko daan sang itlog. sang estudyante pa ko, amo gid na ginapasud-an sa akon ni nanay. paborito ko gid ang sunny side up nga dapat luto gid pati ang yolk kay nalangsahan ko kung ga-basa lang ang pula. para indi man ko masum-uran, kis-a gina scramble ni nanay, kag ginabutangan sang kamatis. pero subong ko lang gid na appreciate ang kamatis sa itlog kay ginaseparate ko ni sya antis ko magakaon sang una. kung tamaran si nanay magluto, gina sampaw nya lang ni sa tinig-ang, pahapos kis-a. one time sobra nya kadali, ginbahit nya na nga malasado pa lang. te kay daw ma-late na si toto, hala pilit nga gindasuk sa baba ang malasado nga itlog. ang ending, daw masuka suka ko pakadto sa eskwelahan. may ara ko gle nga lain sa iban nga pamaagi magkaon sang itlog. basta gani tinanok kag sunny side up, gina-samo ko na sa kan-on kag ginabudburan lang sang gamay nga asin. daw oatmeal bla nga butangan lang sang tubig, kalamay kag gatas, solve na.

16673634_125x125.jpg

ginpahog ko sang tiya ko sang una. indi ko kuno mag sagi kaon itlog kay itlog gid makuha ko sa eskwelahan. ang isa ko kuno ka tiya, tag-isa ka basket ang ginapadala ni lola sa iya boarding house sang una, pero wala man kapasar sa iya kurso.

pati lang ko, ngaa ako pasar man haw. sugid sugid lang man na a.

 

via crucis 2008

nag-upod ko sa prusisyon kag-ina. gintingob ko na lang kay sa tagsa ka byernes sa subong nga tuig nga ginahiwat ni before ang good friday, wala gid ko kaupod. bisan ara pa sa atubang namon balay ang ika pito nga istasyon sang cross. talagsa lang ko gaupod sa prusisyon. ang unforgettable experience ko during good friday was during my childhood. naghagaday kami sang suon ko mag prusisyon, syempre kay mga bata, indi gid madula ang dugsinganay bisan ara na kami sa likod sang karo sang santos. te may taga-isa may dala nga kandila, nakaduot ang akon kandila sa iya mata. sus, daw may nagsulod gid nga kandila sa iya mata. gulpi sya nag pull out sa prusisyon kag ako na lang isa ang nagpadayun. pag puli ko sa balay ginlambatan ko sang lola nya kag gin akigan. sugod sadto, wala na ko nag upod sa iya sa bisan ano nga klase sang prusisyon.

wala man sa plano nga magdungan kay father pero didto naka upod sa iya, pati na ang members sang knights of columbos. aba, mayo man gle kay sa taga-istasyon ga-pause gid kag mag pangadi. kay naga dulog gid sa mga istasyon daw medyo may lak-ang ang prusisyon. kung si jade pa, indi na tani pwede nga mabugto ang prusisyon. pero nadula man ang lak-ang sang maghinay ang traffic. ang na-obserbahan ko lang samtang naga-lakat…. damo na gid gle daku nga balay sa amon banwa. hehehe…

natapos ang prusisyon nga daw wala gid aberya… wala na sang may nag agaway sang bulak sa karo. nahuya man guro ang mga sunoy magkuha ‘pangalap’ kay taga-tapos misa gin remind gid ni father indi matuod ang anting-anting.

naka kuha ko pictures pagkatapos prusisyon. indi ko daan komportable mang kodak kung damo tawo so medyo kawat lang.

dsc01533.jpg

last station of the cross

dsc01531.jpg

isa sa mga karo, sa foreground ang mga tawo nga gapila na para mag duaw

dsc01534.jpg

mga kadungan ko pagprusisyon… medyo lapyo na sa lakat

dsc01536.jpg

kag ang akon kandila daw lapit na lang gid maupod sang via crucis

 

sabadista

its 15 minutes past five… ngaa wala pa nag-umpisa ang misa haw. sa pila ka tuig ko nga simba kung sabado, daw subong pa lang na-late si father haw.

isa ako ka sabadista. anticipated mass takon ga-simba kung sabado. mas tawhay, gamay tawo. galikaw na gid ko iya, basi dumogon naman ko sang mga fans. hahaha… feeling celebrity.

sobra na guro 15 years nga amo ni ang schedule ko. sang una, medyo erehes ako. member sang KBL. kasal-bunyag-lubong.

nagbag-o ina tanan sang maging member ako sang isa ka…errr… indi mapatihan apang matuod… religious organization sa eskwelahan… gin-recruit ko sang mga classmates… every prayer meeting, imbes nga present ang ihambal mo kung mag roll-call, dapat magsabat ka nga ‘Ave Maria’… sister namon ang amon teacher sa physics, si sister rosemary (nga nagpahuway na nga dayon, bless her soul)… part sang amon nga pagka member ang mag-simba at least once a week kag mag-obra sang good deeds nga dapat namon i-report sa amon nga weekly meeting.

so i started going to church… just because that was expected of us… sa tuod lang, ga-simba lang ko sang una pero wala gid ko ga-concentrate… sometimes, ma-istorya pa na kami sa likod sang mga classmates ko, kag kung may mag tig-ik gani sa choir, ginapungan lang ang karadlawon. tapos balikdon na kami sang tigulang nga beata kag tulokon sang masakit. (incidentally, amo man ni nga tigulang ang na-meet ni classmate rex sa states last year… ang tigulang, nag bisita sa iya bata kag si rex didto na ga-obra. didto pa nila na discover nga parientehanay lang man gle sila.)

pero sa padayun ko nga simba taga-semana, natun-an ko nga ma-appreciate the mass. sus, once a week lang ta ka kadto sa simbahan so dapat medyo formal man gamay.

sang una, domingo sang hapon ko ga-simba. ugaling kay damo tawo… indi ko ka -concentrate. kung sabado, gamay ang tumuloo nga ga-attend misa. sa halos taga-semana ko nga simba, halos kilala ko na tsura sang mga church goers. ang choir naglibag na kag nag nami, ara man ko gihapon gasimba. kabay pa basta ari lang ko di sa amon banwa, indi ko mag-untat simba. daw indi na kumpleto ang semana kung indi ko kadto sa simbahan kung sabado eh.

antis ko malipat…

Saints_johnsahagun2a

happy fiesta gle. viva San Juan de Sahagun!

some tidbits about our beloved Patron saint:

John (1430?-1479) was a peacemaker and worker for justice in society. He defended the rights of workers. A sincere and humble man, he was a noted preacher, whose devotion to the Eucharist marked all aspects of his life.

my urimos

445046866l

Sa halos adlaw adlaw nga hapit ko sa Blessed Sacrament sa simbahan, halin sa eskwelahan sa Miag-ao sang una, memorize ko na pangadi ko…

“Lord, salamat gid sa ginhatag mo nga blessings sa akon. Ikaw na ang bahala sa akon kag pamilya ko. Tani makapasar lang ko mga subjects ko…”

Sa kaluoy ni Lord, naka survive gid man ko, in five years.

Few years after ko maka graduate, gakalipat ko kis-a… same words sa prayer man gihapon kung maghapit ko diri…

an unforgettable evening with tita brenda – part 2

ang nagligad… si tita brenda, nag interpretative dance sang Luha by Aegis…

nagsulod anay si tita sa iya gamay nga hayub hayub… para change costume.. evening gown na ka bay… pa-gwa…aba, daw Santos na ang bayo. its show time na ‘mang…

gin-tig-isa isa interview ang mga pasyente.. may ara isa ka tigulang… namangkot si tita…

tita brendz: hello lola… kilala nyo ba ako? (tagalog si tita)

mal-am: hello…hello…

tita brendz: hello lola… sino ako lola? sino ako?

mal-am: hello…. hello…. garci….

wehehe… utoy-utoy kadlaw ang audience…

may anecdote sang una, halin sa blog ni jessica zafra… may nadula nga bata sa manila, gindul-ong sa eye to eye tv show ni inday badiday…

ate ludz: hello, boy… kilala mo ba ako?

boy: opo…

ate ludz: sino ako?

boy: bakla po…

back to tita brendz, pagkatapos interview, nag-umpisa na ang pagpamulong.. ang mga indi makalakat, gintindugan nya ang mga paa kag gintumbuan… pagkatapos sang pila ka tumbo… ginpalakat… kag naglakat gid man ang mga pasyente… wala na tungkod… aba, milagro?

next patient ang bata nga may hapo^…. anay ka… kilala namon ang nanay nga naga kungkong sa bata^… batchmate namon sa HS nga taga-tacas.. si cora… may asthma ang bata.. ginpamatian ang dughan.. baw saku kuno ang kuba kuba… te ginhuluhapulas. ginpalibot ang bata samtang ginahapulas.. syempre unay ang spotlight… ang bata siguro, indi komportable sa atensyon nga ginhatag sa iya, nag c-r-y.. pero ano ka… para indi ma-miss ang wangal, gin-taya^ ang microphone sa bibig… kag… indi basta basta ang music sa background… ‘sana’y di nagmaliw ang dati kong araw, nang munti pang bata sa piling ni nanay’… ‘ugoy ng duyan’ lang man a. si cora, ang nanay.. indi mapunggan ang pagtararamus sang luha.

tapos, ang may catarata ang ginkadtuan… ok lang man a, gindilapan nya lang man ang mata sang tigulang…kulitok kulitok. lusot na, wala pa?
Pictrans52407_005

tapos, another special number… once again, welcome back tita brenda…clap ang audience sa cue sang floor director… eversince the world began ang ginbanat…galing kay nabawasan points nya sa amon ni jade…. ang song daw ginhimo nya koreanovela… indi magsantu^ ang lyrics sa tikab sang iya bibig…

pero may taste si tita brends sa choice of music.. baskug ang soundtrack… pareho bla sang eskwelahan kung bakasyones… wala class….

then.. padayun ang healing… this time ang mga sinusitis naman… baw amo ni ang pina kabaskug… gindasukan nya sang malaba nga gamay nga lubid ang sulod sang ilong sang pasyente… almost 5 ft long, halos sulod tanan sa ilong.. tapos ginparada nya sa palibot samtang ginkaptan nya ang gamay nga punta sang nabilin nga lubid. tapos nagpatunga sila, ginpangita ang upod sang pasyente, kag sa gin-amat amat butong ang hilo halin sa sulod sang ilong… samtang si tita brends naga sige hambal sang ‘yuck.. yuck’… baw special request kaptan kuno sang upod sang pasyente ang lubid.. pero ga dis-ay-re kay baho kuno… maano ka jan…
Pictrans52407_004

pagkatapos makuha ang lubid, ok na kuno pamatyag sang may sinusitis. syempre lipay gid si tita brends… kag kami, lipay man… isa sa mga indi malipatan nga gab-i nga nakadala sang yuhom sa akon nga nawung asta sa pagtulog. salamat tita brenda.

an unforgettable evening with tita brenda

one week ago, naglantaw kami sang pagpamulong sang pamoso nga si tita brenda. damu na ko ni nabatian nga baskug kuno magpamulong si tita brends… istorya pa lang sang nakawitness na sakit na tyan ko kadlaw. dugay na namon nga ginaplano nga mag witness sang iya healing powers pero gaka-unsyami pirme. gani sang makatyempo sang byernes, nagdalikat gid ko nga magkari didto.

nag-abot kami sa basketball court sang bagumbayan mga pasado na alas syete y medya sang gab-i. damu na mga tawo kag salakyan nga ga-parking – tricycle, jeep, truck… baw ang iban halin pa as far as dumangas kag san joaquin. ang mga audience gina-brief na sang floor director. syempre, medyo padayaw kay tita.

sang nagkalma na ang tanan, nagsugod na sang opening remarks… ‘first of all, i would like to thank ang aton mabuot nga mayor, kapitana kag mga tanod especially ang tsip barangay tanod.’ tapos ginsundan sang disclaimer… nga indi kuno tanan sarang nya mapabulong…. uy, palusot…

Pictrans52407_001
hala ngaa amo na tsura sang picture haw… hehehe… wala ko lang na set mayo ang camera ah… sya na ang naka pula..

oras na para sa opening number….”simula’t sapul, mahal kita.. nalalaman mo… kung liligaya ka sa piling ng iba….”.. opening number pa lang na… Imelda Papin na (Bakit? Kung Liligaya Ka)… aba, may upod pa nga choreography… slow motion nga paglakat… ayos gid…

amat-amat na wild ang mga audience sang ginsundan nya sang Luha sang Aegis..kag indi sya nag-iisa, banwa… nagpatunga upod ang isa sa mga alagad nya nga papa. aba, interpretative dance ang drama… may away away sila nga duha sa tunga… sa portion sang kanta nga “ikaw ay aking minahal, umalis ka na sa aking harapan”, gintiklod tiklod nya si papa… kag ini tanan, slow mo ha… hahaha.. wala pa nagbutod tyan ko sa kadlaw ah….

samtang naga perform si tita, ang mga pasyente, amat amat nga ginpatunga. magasugod na ang healing session in just a few minutes.. pagkatapos sang kanta nga ‘(ill be loving you) eternally‘ nga may taas-dalum pa sang abaga nga stepping.

Pictrans52407_003

itutuloy…