basta bombo radyo!

tak-an ko pamati FM station subong, gin search ko sa google ang website sang bombo… hidlaw na ko pamati kay tita regine. sa mga nagasipad-sipad sang kadyos sa super… sa nagaluto banana que sa central market… sa nagabaligya sigarilyo sa kilid gaisano-guanco… sa mga naga libod piyaya sa muelle loney….

p1011185.jpg

 

abi nyo kamo lang… avid listener man ko sang ‘kahapon lamang’ … direcho na na sa kondorilla (nga ginsulat kag sa direksyon ni elizabeth batiduan navarro), asta sa toyang ermitanya… kag provincial jail…

anay ka, may bag-o nga portion ang ‘kahapon lamang’ nga maga-premier sa lunes, march 31… kung bagong bayani na ko tani, nakapadala na ko sa bombo_iloilo@bomboradyo.com para ‘buhay ofw’ porsyon… por sure…

mr. dj can i make a request?

may pamangkot ko…

sa imo kabuhi, nakapanumdum ka man bla nga magtawag sa radyo kag mag-request kanta sa deejay?

akon handum kag dumot… gusto ko gid magsabat sa dj after request kag greetings sang:

mr. dj: pag request?

kwan: ara dayon!

mr. dj: pag-liso^?

kwan: ibalik dayon!

mr. dj: basta radyo?

kwan: agong!

kung patyon ko akon huya, siguro amo ni ang listahan sang kanta nga i-request ko:

1. live forever o dont look back in anger by oasis

2. stuck in a moment o with or without you by U2

3. these streets by paolo nutini

4. man on the moon by R.E.M.

6. run by collective soul

7. big yellow taxi by counting crows

8. best i ever had by vertical horizon

9. runaway train by soul asylum

10. iniibig na kita by roel cortez (no. 07617 sa magic sing, my winning piece sa videoke challenge)

ang problema ko na lang subong, sa diin ko nga radio station manawag nga magabaton sang akon request.

hutik sa kagab-ihon

palapapit di bla part. may ihutik ko sa imo. gapamati ko  sang una sang ‘hutik sa kagab-ihon’. ang radio program na bla sa bombo kung domingo. tapos na sya sang rosaryo kag harana nila pirot and company.

 

for adults program ni sya amo na nga medyo gab-i na sya gina-air. indi labutaw kay may regular guest doctor sila, si dr. jarameza, ang aton ilonggo version of dr. margie holmes. ang mga listeners, pwede katawag kag maghutik sang ila problema sa pakighilawas kag paghigugma. galing kay daw nalipat naman ko mamati ni sang napatay si dr. jarameza a few years ago. mayo gid tani nga show kay nami gid nga resource person si doc. abi mamati ko karon kung may naga hutik pa gihapon.

where were you when this song was #1

subong nga kahapunanon. samtang nagapatik patik ko keyboard sang computer kag nagapamati sa RJ FM live from makati… nagtukar ang old friend ni phyllis hyman… indi… ang kanta nagpanumbalik sang mga nagliligad. wu-sus daw ano gid abi nga nagliligad kay daw wala man ko ma-relate nga experience sang mag number one ini. bag-o ko lang gani nabal-an nga babae gle si phyllis… kag subo gle iya kabuhi kag nag commit sya suicide… basta ang akon lang nadumduman, elementary pa ko sang pag sikat sang kanta. samtang gapitik-pitik ko guro lastiko amo ni ang gatukar sa radyo… kay ngaa daw memorize ko lyrics haw.

sang ginapamatian ko subong, baw subo gle nga kanta. daw matararamus man luha ko ba…

abi pamatian ta liwat…. ihanda ang tuwalya kay mabaha sang luha