the great ro-ro adventure

one week ago, i was looking forward of going back home from manila. first time ko magpuli via ro-ro. from cubao to tigbauan, bus lang. one day before my trip, nagbakal na ko tiket sa terminal sa alimall. there’s a couple of bus companies to choose from but i bought a ticket from a well-known ilonggo bus company, ceres. departure time was 10 am, and the dispatcher asked me to be there at 9 kay basi kuno maka temprano lakat ang bus. te bisan QC lang man ko halin, 830 naghalin na ko sa balay. nag suggest ang tiyo ko nga ma-taxi na lang ko kuno kay traffic, te taxi man eh. 945, sa cubao na ko pero imbes nga manaug sa terminal, naghapit ko anay sa pure gold para makabakal balun nga biscuits kag tubig. mayo gid nga may usangon ko sa byahe. puerte man dali-dali ko para lang makahingabot alas-diyes. alas diyes buli nila. abi ko sa iloilo lang gapaugat driver, sa manila man gle. ginpamangkot ko ang conductor kung ano gid oras mahalin, pero ginsabat nya ko nga ginapadamo pa nila pasahero. ang alas dyes, nahimo gle nga alas onse. ginlibang lang kami nila sang concert sang michael learns to rock sa tv. hmmm… indi man gid damo pasahero. may ara gani nga sa isa ka row, isa lang katawo ang naka occupy. tani kung wala lang ko nag isol sang pag abot sang isa ka pasahero, okupar ko man ang pulongkuan. ang tupad ko, taga-guimbal. tawgon ta lang kay manang ploning. nawili pagka bagong bayani sa luwas sang pungsod nga nalipatan na mangita uyab. ga-process sya sang iya passport kay may visa na sya pa canada. hmmmm… aba, te istorya to the max kami eh. sa taiwan sya iya nag pass sang iya application sang january lang. within 4 months, may visa na sya.. kag diri lang sya ma-exit sa pinas. oha, i compare na processing time diri nga daw lumotan ka sa banga sa hulat. mayo lawas, before matapos ang hunyo, makapa-canada na sya. ham-ut ko gani sa seating arrangement kay ako nga naga-process pa lang sang visa, sya nga may visa na.. kag sa tabuk nya nga pulongkuan, si manong nga taga-antique nga bag-o lang gid kaabot halin sa canada. hmmmmm.. senyales for something? te kay nawili istorya, daw wala na lang natalupangdan ang traffic sang pa gwa na sa manila. past 12 na sang ginabyahe namon ang SLEX… damo lang ko kita ah… especially sa laguna. at 230pm, sa batangas na kami. nagpundo ang bus para manyaga. ang choices sa sud-an, halos tanan cardiac delight… damo mantika. kag ang presyo sang pagkaon, taga lumapaw. mayo pa nagbalun na lang ko noodles. te wala mahimo kay gutom, napilitan nga magbakal eh.

alas tres, sa batangas port na kami. nagpila ang bus para makasulod sa ro-ro. may nagsulod sa bus nga vendor. gabaligya panyapon… @ 30 pesos may chicken meal ka na. mayo mag sales-talk. mahal na kuno sa barko, te dapat bakal na kuno kami. wara takon nagbakal. maka abot pa man guro kami sa mindoro antis tigpalanyapon. nag umpisa na ko pangkuha picture. isa sa mga reasons kung ngaa nag ro-ro ko. pero ga umpisa pa lang halin ang ro-ro sang mga 430pm, naubos na battery sang camera. dapuga!

nag-roro pa ko!

lawig man ang byahe sa dagat.

730 na naka abot sa calapan… tapos sakay naman liwat sa bus namon. dulom na ang mindoro… bal-an ko nga sa mindoro na ko pero ang makita ko ang mindoro, daw imposible gid nga matabo kay dulom. heh, nag ro-ro pa ko. medyo kapuy man pungko. indi man ko ka direcho tulog kay sang mga alas onse na, naka abot na kami sa roxas… sakay naman liwat sa ro-ro pa caticlan. ano ang pwede ipasalubong halin sa mindoro? native ajos. barato lang, 3 ka bugkos, 100 pesos. bakal ko tani para sa amon processed meat pero daw tinamad man ko ah. amat-amat na ginpapanaug sang conduktor ang mga pasahero pero sang hana na ko manaug, amo man paghambal nya nga pwede kapabilin ang gusto magpabilin basta indi lang magpa obvious nga ara sa sulod sang bus kay bawal tani. syempre pabilin ko… ang advantage, indi na ko maglakat kag mas maka una pa kami sa pulongkuan sa barko. mayad man.

by midnight, naglarga na ang dapor… pa caticlan. sakit pigtot ko pungko kag budlayan man ko magtulog kay wala patay lagsanay sang duha ka tsikiting sa kilid ko. feeling nila balay lang nila ang barko. tulog-tulogan ko kuno abi, pero mabatian ko man gihapon ang istoryahanay sang mga tupad ko. kung matabo kuno, two days straight sila nga walang tulogan. mamayle pa gle sila mag abot sa ila kay fiesta gle. aha! pwede ko kahapit para mamayle sa antique.

alas kwatro sang kaagahon, dungka naman kami sa caticlan. road trip naman pa-antique. pag abot sa antique, may mga nanaug na nga pasahero. hapit kami sa tibiao… pangape kuno anay kay dugay pa ang byahe kag kaabot sa iloilo. sus, kanami sang view! may islet sa horizon… dugang ugot ko kay wala pulos na ang low bat ko nga camera. nalipat gid ko magdala charger… grrr…

amat-amat nga gabuhin ang pasahero samtang ginalatas namon ang nautical hi-way sa antique. pag-abot sa san jose, sang mga alas-otso, wala na kami kalab-ot pulo. ang iban nagpanaug kag nagbakal lata sang biscuit! aha, kuno abi sa manila kamo nagbakal ha.

interesting, via dao kuno kami malabay. first time ko da kay sa bukid ko gaagi kung pa antique… te subong iya sa may kilid baybay ang route. nag dugang pa gid suya ko…. ka mga nami sang views sa dalan… kita ko ang nogas island kag ang sira-an hot spring. kruhay! pramis, madala na ko duha ka camera kung makasakay naman ko ro-ro.

pag abot sa san joaquin, daw lima na lang kami bilin. pagkapanaug ni manang ploning sa guimbal, duha na lang kami sang taga-oton ang pasahero. lapit ko na lang tani ma akupar ang isa ka bus sang ceres ba. alas dose sang udto, ara na ko sa balay… pagkatapos sang sobra sa isa ka adlaw via ro-ro. kapuy, pero baskug nga byahe.

8 Tugon

  1. Nakayuhom man ko ba…. bag-o pa lang ko nakabasa blog nga may samo nga ilonggo kag karay-a… 🙂 And to read ilonggo is like a breath of fresh air… kay kon kis-a daw budlayan na ko maghambal straight ilonggo… akon lingwahe subong ceb-lish (cebuano-english)… Gaisahanon lang ta di bi pirmi, wala mayo ma-istorya nga ilonggo.

    Nalingaw ko sa ro-ro adventure mo… Nakadumdum ko sang high school pa ko, medyo nalibot ko na ang Panay Island sa mga regional contests nga ginapang-intrahan sang eskwelahan namon. And speaking of Antique, nakatinir ko sa Culasi mga isa ka semana sang 1994. Didto kami gin-house sa Northern Antique Vocational School (NAVS). Indi ko malipatan kay sa tanan nga mga biyahe ko sang una, didto ang pinaka-hapos nga pagtinir namon kay hamongaya sa limpyo nga tubig ang Culasi, kag daw nabag-uhan ko kay lapit sa dagat, at the same time lapit sa Madja-as (I hope I spelled that correctly)… And that was also one of the longest land trips I had. Pero enjoy gyapon kay nami ang sceneries sang dalan, maka-agi ka sa kilid pil-as nga sa dalum niya dagat kag sa tunga sang mga talamnan sang humay…
    Pamatyag ko sang una daw textbook description of rural life of the 60s akon nakita…

    Padayuna lang ang paglingaw sa amon ah…. (daw nobela comment ko ba…) Hehehe…

    baw, mayo gid nga nakahapit ka sa blog ko. pwede n ma post as one entry sa blog ang comment mo ha. hehehe

  2. nakabalik ka na gali? ti, kara, nalabayan mo e amon banwa — ang Pandan. Bilib man ko sa imo kay nasarangan mo mag ro-ro hasta ilo-ilo. pero lipay ko sanng mabal-an nga pwede na gali kalabay ceres along the shoreline sang dao kon magpa-iloilo ka. gasuka ko nga daan sadto kon mag-agi ceres sa tiolas.

    hasta sa liwan.

    huod, naglabay ako sa pandan. nami gid tana inyo probinsya.

  3. kanami lng basahon kag balik balikan imo blog..keep it up!

    naks, yudee. salamat sa comment

  4. tani wala lang naubos battery sg camera mo, damo pa tnai ma-post mo nga pictures, you’re a great “maniniyot” ,you know that?! updated ko daan sa friendster mo kag sa blog, daw amo lang man ni chance ko makakita sang banwa kag iba pa, (bisan picture lang bah! (hehe)

    heh, te mayad gid nga ampawan kahidlaw mo sa tigbauan. budlay na mag-update kung different sites eh. te ja na lang ko sa wordpress kay mas damu ang features

  5. ok………………………..

  6. ayus! nami gid man mag travel, ceres-roro. halos nalibot kona ang negros occidental pulupandan nalang kag candoni la ko natapakan kag some parts of iloilo nakadtuan konaman. Gamay paman ko naanad nako byahe, daw NPA gani bisan diin lang. Now triping konaman cebu kay ari naman kodi gaubra. Ilonggo, karay-a kag cebuano na nabal-an ko. So far north cebu palang nakita ko. la ko pa nadab-ot ang south. Hmmmnnn, anu ayhan ang tsura sang south ka cebu. Plan ko next time via dumaguete to bacolod ko. kapoy guru but kaya. pauli gani wala tulog2x after shift. dula man tuyo ta sa byahe. Tawa pagid kay bago lang man ko kita blog na ilonggo kag karay-a. Nice kaayu, daw kasaw-a pero astig. Nami basa blog about sa travel. Adventure gid ya. Post pagid kamu damu ang damua pictures. salamat.

  7. hidlaw nako sa maasin, sa uma kag magsakay karbaw. sino may kilala da?

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

%d bloggers like this: