ploning… crush ta na ka

holiday kay labor day. naghagaday nga malantaw sine. dungan kami nila let kag jade kadto sm city pero pag-abot sa sinehan, ako lang isa nagsulod sa cinema 3. ang mga girls, didto iya nagpila sa pelikula ni aga kag anne curtis.

first time ko maglantaw sang pelikula ni judy ann santos sa sinehan. antis ko nagsulod sa sinehan, gin condition ko na isip ko nga indi gid mag expect sang daku kay basi ma disappoint lang ko. huod, naglantaw ko ploning.

isa sa mga nami nga pelikula nga nalantaw ko. amo pa lang ni nga sine nga himo sang pinoy ang nakapabilib sa akon sa subong nga tuig. mayo gid ang cast… specially si juday… kag bisan si eugene domingo… basta tanan mayo gid ang pag-arte. indi ko na lang pag idetalye ang story para may suspense. bal-an ko daan ang feeling kung wala na tutpens… segue anay parte sa suspense…

one time, gapili ko dvd, pagkakita sang tindero nga daw interesado ko sa isa ka dvd, wala ya bala ko hambalan nga:

“huo, to. nami na… bilib ko da sa kay bruce willis.. bisan ano na nga bira sa iya wala gid sya gihapon napatay asta matapos ang pelikula… bakla na na to”

gwapo, pabakal ya pa sa akon nga ginsugid nya na sa akon ang ending. te ang ending, wala ko ginbakal si bruce willis.

balik sa ploning, sa cuyo island sa palawan ang setting. siling sang isa ka abyan, dira na kuno ga stop over ang barko nga milagrosa kung magpa palawan halin sa iloilo. ah tingala ko man kay daw indi man maglayo ila pangginawi sa aton nga mga ilonggo. kag ang character sang isa sa mga miga ni ploning, si alma (meryl soriano) halin sa iloilo. nakayuhom man ko sa eksena nga ginpamangkot sang tigulang ang bata kung gusto nya maglantaw sang manila. tapos gin bitin nya ang ulo sang bata. heh, nahimo na sa akon sang una. kag ka kakita ko sang tarayhup ha. ang gamay nga kawayan nga ginahuypan sa dapug para magbaga ang kahoy kung magtig-ang. pati ang ang daan nga baso sang nescafe kita ko man didto.

ka-experience ka na nga may nanamian nga sine nga kay nanamian ka, tanan mo nga kilala gusto mo man palantawon… amo na ang ploning. dapat gid nga lantawon.

hmmm… daw nag instant fan ko ni juday haw. hehehe…

2 Tugon

  1. hhehehe ilonggo man ako galing ari nako sa gensan subong…
    wala ko pa nalantaw ang ploning pero sa ginsugid nimo, nakaisip dayon ko nalantawon after sa work ko..

    iadd ko ha kay gin add ta ka…

    damu gid ya na salamat

    baw, te mayo gid kay nakahapit ka akon nga blog. i-add ta ka man ah, para add-ay ta nga duha.

  2. my thoughts exactly abyan… daw karay-a ang cuyunon. ma post man ko daw review kay nanamian gid ko sg Ploning.

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

%d bloggers like this: