matilaw ka?

kagab-i, gintext ko sang former classmate ko nga si johanna nga makadto sila sa dairy plant sa likod sang akon high school alma mater diri sa tigbauan. plant visit sila as part of their consultancy raket. mabalon sila panyaga, dala lang ko kuno softdrinks. te pagpatak sang alas dose sang udto, nagsakay ko tricycle dala ang duha ka botelya sang litro nga coks. sa tunga sang dapal sang kan-on, adobo nga manok kag bihon ang istorya sang amon mga inagihan sang college. nawili sa istorya nga wala na natalupangdan nga pasado na alas-dos kag nakatindug kami sa lamesa. antis ko magpuli, nagbakal ko sang isa sa mga produkto sang planta, ang milk bars.

pag-abot sa amon, gintago ko ang iban sa freezer sa balay kag nagdala sa office sang isa. hmmm… namit gid man. indi man sya matawag nga ice candy (o agogo sa mga taga-negros) kay mas masagamsaman gid ang kananam sang gatas. it comes in various flavors gle: chocolate (ang all-time bestseller), strawberry, mango, vanilla, ube kag ang peyborit ko – ang melon. sang ginhatag ko ang bilin sa kulit nga bulilit sa opisina, na-intriga sa sabor ang mga tawo. ginpamangkot ko nila kung diin ko kuno nagbakal. te gulpi lang ya, nagsakay kami sa salakyan kay matilaw kuno sila. tapos may nag suggest nga idugang abi sa amon nga ginabaligya, total may freezers man. hmmm… ok nga idea.

pag-abot sa planta, ginpamangkot ko ang general manager, si nang del (nga pareho ko nga alumni man sa sotech) kung tagpila hatag nya kay mabaligya kami. ga-plano pa lang kami tani pero gulpi lang nya kami ginpaputosan sang 50 pieces. heh… mabalibad pa kami, nga may two pesos kami nga ganansya per bar. instant business!

pag-abot namon, magsig gisi lang sang putos. mayo gid nga pangpa-presko sa tama ka init nga panahon. kag ginhimuan ko dayun sang poster nga ipakabit namon sa gate. ang kulit bulilit ginhimo nga model. oha, te matilaw ka?

2 Tugon

  1. May ara man na kami di abyan. Le Grand ang brand name. o indi bala sosyal? ga supply pa kami sa McDo cafe sg fresh milk, o bato ka? Iya sg NEFEDACO, assisted man namon. Bisita di bala mag Panaad.

  2. baw daw kanamit na haw. hehe. wala na ayo, P5 na lang nah! hahaha.

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

%d bloggers like this: