why does alma matters?

this coming june 2008, UP will be 100 years old. nag-start na ang celebration kahapon sa UP diliman. i am always proud of my alma matter. it made me who i am today. UP, ang universidad nga sang una gina-damgo ko lang. wala gid ko nagdumdom nga isa ka adlaw mangin kabahin ako sang ginatawag sang kadam-an nga one of the top universities in the philippines. ambot kung tuod ang huring-huring… may duha lang ka university sa pinas – UP and others. hehehe

sa tuod lang, daw wala gid ko plano mag-eskwela diri mo. naga duda ako sang akon ikasangkol kag daw indi ako bagay sa eskwelahan sang mga alam. nagkuha lang ko UPCAT kay daw amo na ang gina-expect sa akon (ngaa ayhan… bahala na lang kamo mag figure out) kag daw ang mga classmates ko nagkuha man eh, te sige na lang. uso mo. akon iya sang una, mayo man kung kapasar, mayo man kung indi. proof nga daw indi gid ko interesado ang sa choice sang course nga gin-applyan ko. wala takon idea kung ano ang food technology ah, pero kay daw amo to ang ginfeature sang taga-UP sang pag held nila sang career guidance sa high school namon, te amo to ang ginpili ko sang pagfill-up ko sang application form eh.

pag-abot sang april, swerte… nakapasar si thoto. pero naga-duha duha man kay ang mga classmates ko nga nakapasar man, wala man nila ginpursue ila applications. ginbutang ko sa akon least priority ang UP. nag apply ko sa iban nga schools… nursing ah… apply ko sa WVSU… nakapasar na ko sa NAT… interview na lang kulang. apply man ko sa UI kag san agustin… ok naman tani. pero last minute, na-realize ko… anay ka, budlay pasaron ang UPCAT… then kung makasulod ko sa STFAP (free tuition program depending on your family’s economic status), may posibilidad nga libre ang good education plus may allowance pa. hmmmm… te sige ah.. tilawan eh. amo lang na galing, taga-uma na ko, sa uma pa ko ma-eskwela. te uyon ko man gani. sa akon personalidad, bal-an ko nga ma-enjoy man ko sa miag-ao.

first time ko pagsulod sa UPV, daw kibot ko sa kalapad sang campus. kag bukid gid eh. may ara pataklad kag may ara man nga padulhog nga dalan. kag kinahanglan mo pa magsakay sa tricycle kung gusto mo magkadto sa pihak nga building. first day pa lang, nag practice na ko nga maging patient. grabe ang pila sa registration pa lang. kag mas grabe pa gid ang pila kung mag apply ka sa scholarship program kaw halos 95% sang students ga-apply nga mangin iskolar ng bayan. luwas pa da ang mga requirements sang STFAP. daw ga-agi ka gid sa buho sang dagum.

pagsulod ko, medyo kublaan man ko. grabe daan ang expectation sang mga tawo. mga bigaten, alamon na da mga tawo. uhmmmm… ok lang… pano ko sya i-describe man… errrr… daw si superman ka lang nga nagkadto sa planet krypton… di ba si superman daw sikat sa earth, pero pabalika bla sa planet sang mga supermans kay daw ordinaryo lang na to sya. so kung feeling mo alam ka na gid sa inyo baryo, pagtapak mo sa UP, one of those ka na lang. kag kis-a mas may labaw sa imo.

first sem, grabe nga adjustment. dasigay ang tudluanay. dapat abtik ka, kay basi madula ka sa lesson nyo. daw indi ko sigurado kung maka-survive ko isa pa lang ka semester. daw pirme lang ko may nightmare. pero sa kaluoy ni Lord naka-survive man ko kag nakapasar sa tanan nga subjects. ang passing grade is 3.0 (equivalent to 60%), mayo lang isa lang ang akon tres sa kabudlay sang mga subjects, happy na ko basta maka-3 lang ko. wala man ko ga-ambisyon nga maging college o university scholar ah, ang importante makapasar lang ko kag indi magkuha removal exam. indi takon guro mag-repeat sang subject.

after sometime, naka-adjust man ah. syempre, medyo proud man gawa eh. pero indi man ang over nga daw gatikal na gid. ang isa lang nga indi ko nagustuhan sa ugali sang iban ang daw si sin-o na gid bla sila kay taga-UP sila. sus, daw wala pa ko kabalo nga ang may ara nga nagtigulang man didto… naga-nth year man da guro.

luwas sina, wala ko sang may masaway sa training. didto ko nahanas nga maging independent kag kung pano mag deal sa mga sari-sari nga tawo kag sitwasyon. didto ko na-train kung pano maging vocal sa akon ideas kag gamiton sang husto ang akon skills. ang mga challenges nga akon na sugata pag-eskwela ko sa UP naging basehan para maging mapag-on pa gid ako sa pag-atubang sang mga pagtilaw sang kabuhi… kag masiling ko nga daku gid ang papel sang UP sa akon bilang isa ka individual. kung ano ako subong kag kung maging ano ako sa future, utang ko na nga kabalaslan sa UP kag sa mga taxpayers nga nagpa-eskwela sa amon nga ginakabig nga mga iskolar sang banwa. kung mag-abroad gid man ko sa ulihi, para man na gihapon sa bayan ah. ma-contribute man ko gihapon sa pagsulod sang dollars sa ‘pinas. sa akon almost eight years in government service, fair naman na guro nga mahambal nga naka contribute na ko sa aton nasyon. siguraduha bla ang future ko ‘DOST’ kay indi na ko mangita sang iban nga ulubrahan… hahaha…

sa akon nga pagtakup, gina-abi abi ko gid ang pagselebrar sang ika-100 years sang UP naming mahal… masadya nga pagsaulog sang aton sentenaryo. mabuhay ang mga iskolar ng bayan!

kwan, 92-**092

4 Tugon

  1. hala, una pa gali ang akon alma mater dear san agustin, sg 2004 pa kami ya nag centennial. naka amot man 2 katuig ang UP sa akon nga edukasyon ah. and i must say, it made a difference sa akon personalidad kag kwalipikasyon. daw sa ano bala, nag masters sa UP. tikalon gid ah.

  2. proud ako sa imo, daw brayt ka gid man ah. Congrats. May tag ako sa imo.

    naks, salamt gid manang kapitana sa imo blog award.

  3. baw pwerte parts, daw napukaw mo gd ang akon na balatyagon sa imo pagsalaysay sang kabuhi mo sa miami. it is indeed a privilege to be one of the few who pass the UPCAT exam and an honor to carry a UP diploma.

    Happy Birthday Oble, and Kudos sa mga Isko!

    iririmaw taton sa pag saulog sang sentenaryo!

  4. From a text message:

    UST accepts only wise students
    La Salle accepts students who are great
    Ateneo accepts only the best students
    In UP, we don’t accept the best, great or wise, we MAKE them.

    isang bagsak para sa text message nga ina. malipayon nga sentenaryo abyan.

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

%d bloggers like this: