shirting

nag-abot si tita from canada. syempre kay lapit na lang christmas, may paskwa sa mga hinablos. kag-ina, nagpatawag luncheon meeting sa iya mga tinawo sa farm. ginhutikan ko sang upod ko nga nagapamutos longganisa – ‘aba, may mga t-shirt para sa mga obreros’ siling ko – ‘ah ok. wara taton? hehehe’

ambot pero wala man guro nabatian sang cousin ko nga gapang distribute sang tshirts, pero ginduhol nya sa akon ang isa, actually ako ang last nya nga ginhatagan (indi man gid obvious nga nalipatan k ah)… yellow green ang color bord. baskug. sa akon nga dark complexion, bagay man ayhan ni? hay ngaa mapili gid abi ako kay ginhatag lang man sa akon. siguro testingan ko man suksok sang iban nga color eh. mostly shades of blue ang kolor sang akon mga besti eh.

sa pihak nga bahin, alumni homecoming sang akon beloved alma matter sang high school sa easter sunday 2008. sang nagligad nga high school reunion, daw indi ako happy sang ginsuksok namon nga tshirt. ano abi kay dasigay lang pag print. ubol na kag busy na tanan nga tshirt printers te kung bisan ano na lang. kay gusto ko nga indi man magpa ulihi ang amon nga batch, nagmato^ mato^ na lang ko obra design nga pwede mayaguta^ sang mga batchmates. para masuguran lang bla haw.

ang front sang tshirt, reserve para sa alumni logo so likod lang gin-obrahan ko. barcode ah, para kung ibaligya kami sa ledi supermart, i swipe lang sa scanner. tapos, ginpasandig ko si fifo dido, ang isa sa mga pop icon sang amon generation.