sunday hitback: si tatay

two years na since nga napatay si tatay. kag hidlaw man gihapon kami sa iya. grabe man nga trial ang amon na-agyan sang naga-masakit sya. first time namon ma-experience ang may magmasakit sa amon gamay nga pamilya. grabe gle ang effect sang cancer. sang una, daw sa wala lang sa akon kada may mabatian ko nga may mga tawo nga naga-suffer sa cancer. pero sang pagmasakit ni tatay, mas naging interesado ako. maka-relate na gid ko sa mga cancer victims kag sa ila pamilya. indi basta-basta nga masakit.

kalain sang buot nga bal-an mo nga ang isa ka pinaka importante nga tawo sa imo kabuhi, ilisipon na lang ang pagtiner sa kalibutan. kalain sang buot nga makita mo ang imo tatay nga naga-suffer kag mabatyagan mo nga siya mismo nakibot nga gulpi lang sya nga nagluya. kalain sang buot nga daw indi ka kabulig sa iya sa pagbato sa iya masakit.

pero sa likod sang imo kalisod, didto mo man mabatyagan nga may mga tawo gid nga maga-unong sa inyo. didto mo ma-appreciate nga wala ka naga-isahanon. gani sa second death anniversary ni tatay, i-post ko liwat ang ginsulat ko, hours after sya nga nabugtuan ginhawa.

nakibot ni mga abyan ko pagpost ko sini kay wala gid sila idea nga malala na gle ang masakit ni tatay.

si tatay
originally posted last november 11, 2005

mahidlaw gid ko kay tatay ko. nagpahuway sya na sya subong lang nga gab-i… 12 days before my birthday… 5 months since nga may ginbatyag sya sa iya lawas.. abi namon ulcer lang… until nga nag-suggest ang doctor nga ipa-lab test… kag didto namon nabal-an nga may bukol sa lungs nya.

sang pagbalik na namon sa hospital kay damo tubig sa baga nya, didto na confirm nga malignant na ang mass… tatay opted not to undergo chemotheraphy treatment… ang doctor indi man kasigurado kung maglawig gid man sya… garalain ko…. naghibi ko sa atubang sang director namon… ang ara sa ulo ko, mapatay na sya.. wala ko gid sya nahatagan sang mayo nga kabuhi… bisan ang turulogan lang nya… wala man sya ga-reklamo pero napatay lang sya wala ko gid napagustohan…

sa pag-istorya ko sa mga officemates ko (which i only did once), ginhambalan ko ni nang arlene, nga ang mga ginikanan wala man gid na gapangayo sang kaginhawaan sa ila mga bata. makita lang na nila nga mayo man sila nga napadaku kag nakatapos pagtuon, lipay na sila. didto ko na-realize nga indi gid kinahanglang ang material nga bagay. sa isip ko, nangin mayo man ko guro nga bata kay tatay a… ayos na ina.

for the last few months, gin-antos nya iya nga masakit. wala gid nag-reklamo nga nabudlayan sya… basi ginatago nya lang sa amon… hipos lang na sya, ga pungko kag naga-dat-ul sang ulonan sa iya nga dughan kung magpahuway huway… pero pirme gid ko indi ka-agwanta maglantaw sa iya. galikaw man ko mag-istorya sa iban.. kay daw indi ko kasarang maghambal. kahapon, nanawag si nanay sa office…. sako na kuno iya seizures.. nag half day lang ko eh.

nag-upod ko tulog sa ila kagab-i kay dapat nga unayan na lang sya. mga 4 am patawag nya kami tanan. naglisensya sya sa amon tanan nga bata nya.

day… noy…. to.. pahuway na lang ko a

indi ko ma-imagine, kasakit pamatian.. nga mapahuway na lang sya… pero kung amo ni iya nga pag-antos, ginhambalan na lang man sya namon nga magpahuway.. indi na mag-ulikid sa amon kay ginhatagan nya man kami sang maayo nga kabuhi.

plano pa tani sya hatagan sang birthday party sang tiya namon sa ika 57th year nya sa dec. 4. kahapon, nabugtawan sya sang tiya ko nga naga hibi.. kag naga lantaw sa calendar… dugay pa kuno ang dec. 4, indi na lang sya mag birthday.

kag-ina sang aga, indi na sya tani mag-inom bulong…hambalan nya kami nga mapa-injection na lang sya kuno… kay mapahuway na lang gid… pero ginhambalan sya namon nga si Lord lang gid ang maka kuha sang iya nga kabuhi..

subong nga gab-i, natabuan man nga naghapit classmates sang bro. ko.. ang isa nurse, gin check iya blood pressure, tama na kataas.. pati ang pulse kag breathing indi na normal. gin text ko man si doc riz.. suggest sya nga dapat na nga dal-on sa hospital…. pero indi man si tatay mag pa sugot….

pagkatapos namon sya pakan-on sang panyapon, nag higda lang sya… amat amat nga nag hinay ang pag ginhawa kag nagtulog…

sakit kung sa sakit pero ang ginapanumdom ko lang mayo man kay wala na sya nag-antos sang malawig… kag wala nya gid ginhambal sa amon nga ginabudlayan gid sya… dumdumon ko na lang sya.. sang ara pa sya sa amon… bal-an ko batunon na sya pihak nga kabuhi.. amo lang ina ang nagapabakud sa akon subong…

3 Tugon

  1. Mayo ka ya, Pre kay may memories ka ni Tatay mo.
    Ako ya six years old pa lang sang napatay si Tatay. Kun may memories gid man, tama gid ka-vauge.

    My sympathies to you and your family.

    gani, subong gina-treasure ko every minute with my love ones. salamat

  2. i am sorry so for your tatay pero insakto man kamo, pahuwayon niyo na lang siya with all your heart. wala sang bata nga gusto mag-antos ang ginikanan. ako man maski buhi pa si papa shempre ginapanumdom ko man nga one day malab-utan ko guid ina nga moment. tani masarangan ko emotionally ang pain nga mabatyagan ko in case.

    God bless and to your family.

    salamat gid

  3. sorry to hear about your father. But i think nangin happy man siya sang iya nga decision. I think happy man siya nga makita kamo tanan before siya nag pahuway. sorry for your lose.

    thank you very much

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

%d bloggers like this: