gen-wayn dinal o-wel

 

ga askad akon tutunlan. nalatnan na ko guro trangkaso sang tiya ko sa balay. ok lang man, daw medyo paos akon tingog ko subong. daw pareho sang gakanta bla sang total eclipse of the heart. kag daw may hawig man sa paos nga tingog sang nagapamukaw sa amon nga mahamuok nga katulogon kung hapon nga ginaka-ugtan ko gid sang una.

 

sin-o man abi ang indi ma-bad trip kung naga tulo na laway mo sang tulog, gulpi lang iya may mapundo nga jeep nga may trumpa sa atup sa atubang ninyo balay kag magpanuktok sa iya nga mic.

 

memorize ko na ni ang dalagan sang dialogue sang ini nga mobile botika sang una. una gid pagkatapos manuktok amo ang mangayo katahuran sa mga pumuloyo sang barangay, ilabi na gid ang pinalangga nga barangay kapitan upod sang iya mga opisyales. tapos, masugod na na sya sang iya sales talk – ang pagbaligya sang gen-wayn dinal o-wel (genuine dinal oil). tapos i-enumerate na dayon ang benepisyo sang dinal oil, halin sa pagpamanyos asta mga katol kag pilas. kis-a may upod pa na nga additional product, ang vino aguso. syempre kay naka-establish na sang ila market, ang mga mal-am amat-amat nga makadto sa jeep para magbakal. pagkatapos pila ka minutos nga baklanay, samtang naga-wangal sa iya trumpa ang mga kanta ni imelda papin kag eva eugenio o roel cortez, i-advise ya na ang iya suki sa unhan nga magpadulog na lang kung gusto nila magbakal sang gen-wayn dinal o-wel.

sa subong talagsa na lang ni makahapit ang mobile botika. babae na ang announcer. nag-retire na siguro si manong paos.

 

 

 

 

2 Tugon

  1. basi sa iloilo lng na ya..may gaagi mn ni sa amon ni nga mobile na bla….pwerte kaladlawan.

  2. madamo na gid bulong nga baligya ba. sa amon kang-una may mindanaon herbal oil, abaw, tanan gid kuno sakit maayo! may naagyan ko nga trak nga may announcer man, libre kuno haplas sang lana para indi makagat kang lamok, sulbad gid kuno ang dengue.. abaw, daw makadlaw ako, daw mapati man.. hehehehe

    daghan lang lagi nga gimik para maka-kwarta

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

%d bloggers like this: