let the fingers do the talking

last weekend, naka tsansa ko chat conference sa tatlo ko ka suod nga abyan halin pa sang high school. si rex sa sa states, si jonathan sa saudi kag si doc riz (nga on duty) sa IDH sa molo. amo ni sila nga mga tawo nga grabe pa-istoryahon.

 

sang una, ga nguri^-nguri^ lang ako samtang nagapamati sang istorya kay daw indi gid takon kasal-ut basta sila na ang mag bangka. kung sa lyrics pa sang sa isa ka kanta…

 

“…gatulok lang ako, sang masinulob-on”

husto lang nga mag-musi musi ang akon kalimutaw samtang nagapamati sa ila. sobra lang ko galing mag concentrate sang ila gina-istorya nga abi ko daw galantaw lang ko tv nga one way lang ang transfer sang information…

 

wallpaper ka bai ako. kung sa gamit pa sang bata, pwede ako nga diaper kay naga-absorb sang tanan. o indi gani, uling nga ginabutang sa sulod sang refrigerator para magsuyop sang baho. gina absorb ko tanan nga na-observe ko sa palibot. amo na nga abi sang iban hiposon lang ko, pero wala sila kabalo nga kis-a gina tripan ko na sila… kapin pa ang mga astig kag daw sa kapihu. abi sang iban hiposon gid ko, wala sila kabalo nga pala-istorya man ko sa akon mga abyan. bal-an mo na kung close na ta kay grabe na akon wakal.

 

pero kung magdungan na gani ang tatlo ko ni ka mga abyan, indi gid ko pirme ka sal-ut. gapurotikol lang ni daan ila mga sungad. ginreview ko amon chat transcript… aba, wala naman ko gle nagpa ulihi tikal ah. oha, equal opportunity for everybody man gle sa YM kag windows live…

 

 

yellow-pages.jpg

 

sometimes mayo man gle nga imbes nga baba, mga tudlo naman ang pahambalon.

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

%d bloggers like this: