“nothing is too small to steal for thieves…”

palanga ko akon banwa, pero naugot ko sa pila ka mga tawo sa municipyo subong. halin pa sang nagligad semana nga ginayawyaw sa bombo radyo… ngaa? kay damo lang kamalamalahan nga na diskubre ang COA sa pag manage sang funds. daku ni kuno income sang amon banwa mo, pero daw naga-tipid kuno sa pag-release sang fund para sa mga projects para daku ila makuha nga bonus taga-tapos tuig. kung ano daan ang savings nga matipun, pwede nila ma-allocate as bonus. baw daw typical gid guro sa halos tanan nga agencies sang gobyerno… may ara iban, indi mag-hire sang regular employees para magdaku ila savings sa december. sus, luoy lang to iya ang iban nga nagbukay lang buhok, contractual lang gihapon… hay, amo na nga samtang bata pa kag daw wala man gid ka siguruhan sa gobyerno, ngita ka na lang sang swerte sa private companies… man-i mo, basi mas mayo pa ang madangtan mo.

balik ta sa isyu sa municipyo. may nagreklamo sa bombo radyo, isa ka pobre nga nangayo sang bulig sa banwa. ginhatagan sang 1000 pesos, likum sa iya ihibalo, ang naka butang gle sa cheke, 5000 pesos. sus, sa dalayun nga pag-imbestigar, 25 gle sila ka tawo nga na consider as indigents nga dapat magbaton sang tag lima ka libo kada isa ang wala nakabaton sang tsakto. ang modus kuno, suno sa tag-reklamo, gin-updan sya sang taga-municipyo mapakambyo sang cheke sa isa ka tindahan man sa banwa, pero wala ginpakita sa iya kung pila ang balor sang cheke, ginhatagan lang sya isa ka kiyaw. january sya kuno ginhatagn sang one thousand pero sang nabalahuba sa radyo, ginhatagan sya kuno sang dugang nga apat ka libo. oh te, daw nabuking gid nga dapat lima ka libo gid man ang inughatag nila. dapugar nga mga tawo hu. sang byernes natabuan ko pamati bombo, baw naghambal liwat ang tagreklamo, ginpanginwala ang kaangtanan sang tawo nga namitlang nya sang nagligad nga adlaw… ginbawi ang alegasyon. sa pagpangusisa sang reporter, ginpa blotter sya gle sang tawo nga ginmitlang nya. sus, ang pobre nahadluk…

hay ano na lang ni ang systema sang gobyerno sa aton man. ang iban ni, gapasuber na lang man kay wala man sang aksyon ang LGU para makasuhan ang mga nadakpan nga nangawat… bal-an ko, indi lang ni gakatabu sa amon banwa, sa iban mas grabe pa gid guro.. pero ang ginkaugtan ko lang, kung tuod gid man… wala gid sila nahuya nga kubos na pangunyadi-an pa nila. huya huya man da bi kamo.

3 Tugon

  1. nyahaha…ano pag action sg LGU kay nahadlok man basi maggwa man ang ila garok. korek ka gid abyan, indi lng na sa inyo gakatabu. hulat2 lng kay basi dugay2 iya sg Oton naman mabatian mo da.

  2. kn tani wla na lng sng mga corrupt nga tawo. 🙂

  3. baw ti kita mo gidlang,ang ka yawa gid bala sang tawo nga ina,kung sino man ang nagpabluter sang pobri nga natuntuhan, kilatan ka tani.para di ka mag antos sang gaba mo pila kaadlaw, kundi pahuway kanalang dayon sa impyerno.

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

%d bloggers like this: