blast from the past

i was scanning the hard copy of my blog… bag-o lang nakabalik sa akon after ginhulam ni yvette. samtang naga flip ko sang mga pages gamit akon tudlo nga ginkuhit anay sa akon dila, na-realized ko nga may iban nga entries nga pwede ko ma-post liwat.

siling ko, kung si Lord gani gapahuway sa ika-pito nga adlaw, ako pa ayhan nga pobreng ulitao lang. kag isa pa, di ba uso man ang pagpatukar sang mga oldies but goodies songs sa fm radios kung sunday, te amhon ko man na diri eh.

sa malip-ot nga pulong, tamad lang si thoto magsulat…

o sya, para sa una nga re-entry… ja ay… pasookkkkk…

the public may dance
– originally posted last May 17, 2005

bisperas subong sang isa ka sitio sa amon barangay. nadumduman ko kay asta pa di ang tunog sang sound sytem sa baylehan. baw hidlaw man ta bayle ba. (kuno abi). actually, wala ko gapamayle sang teenager pa ko, galantaw lang ko sa gwa. sang gamay pa guro e, kami ga-open sang dancefloor.

uso gid ni ang bayle no. sa amon gani kis-a isa ka semana baylihanay kung lapit na lang fiesta. kung fiesta proper na gutok na tennis court namon so gina transfer na ang baylihan sa talamnan. hapinan lang sang amakan, ayos! literal nga gatap-ok gid ang ang yab-ok kung magtukar na ang limbo rock. ano ang typical nga scenes sa baylihan:

syempre, una gid. ang kiddie hour eh. ang mga bata na bala nga wala untat lagsanay kag daw kiti-kiti magsaut kung temprano pa… kung wala pa gawa tawo. sila ni ang wala pa kapapanyapon ara na sa tunga kag nagahataw nga daw wala bwas.

tapos panyapon, ara na ang mga mal-am nga bahe. amo ni sila ang mabantay sang gate. costume nila pirme ang naka-duster kag naka-cap kag jacket (para indi matun-ogan). usually, mga treasurer ni ang gabantay sang entrance, upod sang mga barangay tanod with matching batuta kag nakasuksok sang uniform sang army (patig?). ang emcee, manawagan na sa mga barangay opisyales nga mag-amat amat na sa baylihan kay maumpisa na ang kasadyahan. syempre sila na ang ma-opening dance no. mga 9pm, masulod na ang mga bisita nga dalaga.. usually mga Tagala…. taga-lapuz… hehehe. ang mga soltero, pagka-kita sang mga naga-kinang kinang nga mga lin-ay, masunod nga mag-sulod. syempre tatakan ni manang ang nakagawad tiket. ang iban nga wais, indi anay magsulod… dasig nga magkadto sa bubon bas-on ang tatak kag itapik sa upod nga kurimaw. sang nabuking ang modus, nag gamit na cutex si manang.

kung damo na tawo, public may dance na. hala, hataw sa chacha, breakdance, boogie, etc. daw pareho lang bala sang tape nga non-stop. mauntat lang kung mag amat amat na dulom ang suga… sweet music to the tune of wonderful tonight and lover’s moon. ang iban ma-gwa anay kay ma CR or mabakal juicy fruit, ang mga dalaginding medyo nagapa-indi indi pero mapatunga man upod kay toto. symepre, diri na ni ang diskarte bulok. indi na noy.. abot na kamo.

pagkatapos sang pila ka sonata, masugod na ang pagbaligya sang boxed supper. ang inihaw nga manok nga ginputos sa manila paper kag gindecorahan sang bulak sang bougainvilla. kung sin-o ang pina kataas bid, amo ang may chance nga makasaut ang bisita nga taga-la. usually, may aman pa ni nga 2 bottles of beer. mauntat lang ni kung mag-count down na ang emcee: ala-una… alas dos…. alas tres…. kis-a gakalab-ot gid man sang alas tres sa kaagahon ang back supper! pagkatapos sini may martial dance pa, tanan nga bisita pasauton para maka solicit. ang treasurer nagalibot kag naga duhol sang iya kalo^ para sa wawart. very enterprising. pagkatapos sini, hataw na dayon asta mag-aga.

ang nami lang ni sa bayle kay samtang gina-entertain nyo kaugalingon nyo sa sulod, ginahimo man kamo entertainment sang mga miron sa gwa. hahaha. laban!

Isang Tugon

  1. hahahahha! incroyable! i love it!

    always pesent ka guro sa baylehan kang una ay… aminin

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

%d bloggers like this: