sa aton malip-ot nga pulong

mga tinaga sa hiligaynon nga naga-hatag sang yuhom sa akon nahung kung akon mabatian…

lumpiga (verb) – lumpagi^; magpungko sa salog nga naga bika o cross-legged.

e.g. si lola bilay aga pa naglumpiga samtang naga yupyop sang iya tabako.

pasay (verb) – pagkaon sang sud-an nga wala sa oras kag kis-a wala na gina-updan sang kan-on.

e.g. mang, pasaya ko bla… o

abaw, namit naman pasay nya sang adobo nga takway ba.

pigtot (noun) – parte sang lawas sa likod nga bahin sang hawak, sa babaw sang buli (?)

e.g. lola, indi gid pagkalimti mag-inom anlene ha… para indi magsakit imo pigtot kung makahataw ka liwat sa baylihan.

kuribod (noun) – ang undersize kag deformed nga mangga. natun-an ko ni sang naga-obra pa ko sa guimaras.

e.g. nagpadugos kami kahapon sang paho^. ahay, puros galing kuribod.

ulayhon (verb) – iupod, idungan na lang

e.g. ay malakat ka sa syudad. may ipadala ko tani. pwede mo mapaguntingan buhok ko, iulayhon na lang man ni sa munding’s barbershop.

tararamus (adverb o verb?) – ang daw wala untat nga pagtulo/tubod sang luha sa mata

e.g. aba, gindibdib gid ni indhay ang pagkapatay ni andrew sa ysabella… gatararamus gid luha nya sang hibi^

pasiplat (verb) – kawat tulok sa isa ka bagay o persona.

e.g. indi na ‘neng… pulo-pasiplat ka gid lang maglabay ko pro.

diwal-walan (adjective) – tsismosa, kutsokutsera, grabe mag-istorya

e.g. pahimunong kay ara na si tya diding nga diwal-walan.

tinimok-timok (adjective?) – tunog o gahod

e.g. pag-abot sang pari, wala gid sang tinimok-timok sa sulod sang balay.

binigaan (noun) – ang laya^ nga lubi sa amon karay-a nga pulong… abi nyo kung ano na ‘no…

e.g. kadto ta bla sa kaniyugan… mangita ta to binigaan…

abi, ibutang ta sa isa lang ka sentence….

samtang naga-lumpiga kay naga-sakit ang pigtot, ang diwalwalan nga si kwan, wala sang tinimok-timok nga naga-pasay sang kuribod nga mangga kag naga-tararamus ang luha bangud nalipatan nya nga i-ulayhon kuha ang binigaan kay nawili sang pulupasiplat kay indhay.

2 Tugon

  1. yuhom – ngisi – smile sa english.. nakayuhom ako sa post mo.. hahaha makahalam-ot gid ang mga ilonggo words.. haha

  2. Maayong aga, Kwan!
    Pasaylua lang ko kung wala ako nakabilin sang comments sang ulihi nga nagbisita ko diri. Abi nimo, pwerte ang hagikhik ko sang gabasa ko sa post mo na ini. Dugay na ko abi wala kabati sang mga pulong na ini.
    Gin-link ta na ikaw 😀

    hala, indi pagpunggi ang pag hagikhik… budlay na, basi magbutod tyan mo…

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

%d bloggers like this: