pasimpalad sa syudad

pagkatapos sang pulo ka bulan nga paghimakas sa guimaras, naglisensya ko sa supervisor ko nga ma-untat obra. ano abi kay sige lang baton sweldo nga wala gawa obra. ang gina-expect kung maka obra na ko, inang may ginakuti ka bla bilog nga adlaw, untat ka lang kung break kag panyaga. wala gid ko na-brief sa college nga kung kis-a tama katawhay sang obra sa gobyerno. ga-enjoy gid ko tani didto sa guimaras mo. simple ila pangabuhi to iya. mga buot pa ang mga tawo.

actually, nahuya lang ko kay ang akon supervisor, daw wala motivation mag conduct research. te gina-kulit na sang UP Los Baños sang output pero laban lang sya iya travel nga daw wala man sang natapusan. hamak lang ako iya nga assistant, indi man ko pwede mag matu^ matu^ lang sang obra. simple lang pag lisensya ko sa iya.

“nong, ma-untat ko tani. testingan ko kapalaran ko sa cebu”

cebu… kuno abi… kay gle tak-an lang ko sa iya. pero ano ka, amo man ini nga supervisor ang nag recommendar sa akon sa ika-duha ko nga job (kag nagrecommendar sa akon sang obra abroad nga wala ko ginbaton…kay tama pa kalamharon sang akon isip… loyal sa ‘pinas si thoto sang una, mas gusto nga magserbisyo sa kasimanwa).

pagkatapos ko maging jobless for three months, gintawgan ko ni manong supervisor kay ang isa pa gid ka government agency gapang-hire. gin-recommend nya ko. te, apply eh.

kung sa una nga job, wala na interview. diri iya sa ikaduha, panel interview sang mga big bosses (except for the head) sang office … indi pa closed door panel interview, kay gina-obra ang opisina, ang halos tanan nga empleyado ginhal-id sa isa area. te ano ano pa ang da buzz man nga may audience samtang naga-sabat ko sang ila pamangkot. wala ko bilib sa kaugalingon ko pero pati gid ko nga na-impress ko sila sa interview. how did i know? after a few years, may isa ka ‘audience’ nga nagtiktik sa akon nga best in interview ko kuno. kag nakita ko ang ‘scorecard’, kay ako man ang ga-maintain sang mga files. ang akon lang man to nga nadumduman, napakadlaw ko sila during the interview.

aba, aba.. medyo sosyal… internet-based job… huh, that was 1998, ga-umpisa pa lang ang internet boom sa pinas. ang internet to sang una was up to 80 pesos per hour pero ako iya ga-enjoy na surf to sawa for eight hours. first day ko sa work sang pa-gwa sang transcript sang sexual encounter ni monica lewinski kay bill clinton. amo to dayon ang akon gintutukan. hehehe…

ang amon project, first of its kind sa pinas, funded by undp. 4 nodes lang ang ga-operate, zambales, palawan, davao, kag iloilo plus isa ka central node sa laguna . sa iloilo, ako ang representative. three weeks pa lang ko sa job, ginpadala na ko dayon for training sa los baños. tapos nakalab-ot na ko dayon sa davao, cebu, subic, asta baguio. sa luzon, ang service vehicle, undp van nga bisan nagsulod ang salakyan sa compound sang malacañang, PMA kag bisan sa grounds sang luneta, wala may nag-sita sa amon. abi guro sang mga guards mga taga-UN ang nakasakay. astig!

sari-sari naman nga tawo ang nakahalubilo ko. pero buot gihapon sila tanan sa akon. first few years, sadya gid. tawhay kag ok ang sweldo eh. daw naanad na ko sa obrahanay sa gobyerno. syempre, indi man ko mahuya kay may output man kami iya.

mga officemates ko, kis-a food trip kung lunch ah. indi sa kilid-kilid… mansion garden lang man sa panyaga. kung diin ang may namit nga pagkaon, didto kami. travel pa kami sometimes as far as negros as proctors for some exams. syempre, libre tanan, may honorarium pa. pero good things never last. nag tipid ang gobyerno, nag gamay ang budget…. kag medyo nag-busy ang opisina. pero enjoy man ko gihapon. kay mas nag-busy man ko. sang ma-promote ang supervisor ko, gindala nya ko sa bag-o nga division. medyo assistant lang ah… indi sa job title, sa obra lang. halos tanan nga reports kag letters ako ang ga-draft, gina-correct nya lang. ugaling kis-a, kung amo lang man gle gihapon ang gina-obra mo year after year gakawad-an ka man kis-a gana. sometimes, mahambal ko sa kaugalingon ko..

“matapos naman liwat ang tuig, amo man ni gihapon ang obrahon ko next year?”

so after more than five years, nag desisyon ko nga mag-untat… kay gusto ko na nga mag-abroad… ngaa gani kinahanglan gid mag-abroad? all together…

para magpuli ko, hatagan ko sang abs-cbn sang special pass as TFC subscriber sa Wowowee.

Isang Tugon

  1. baw linte, didto gid ko naputo sa pulupanyaga nga na. kag abyan, indi ka gid mahuya kay man ang opisina ta ya sg una may output indi pareho sg iban da (pareho abi sg lto) pangurakot ang obra. 🙂

    korek! proud gid ako nga ang natup-an ta indi pareho sang iban nga opisina sang gobyerno

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

%d bloggers like this: