himakas sa himal-os

sa bwas ang ika-10 ka tuig nga annibersayo sang una ko nga pagpang empleyo. july 01, 1997 ang akon official duty nag-start, pero ginpa report ko nila sang june 30, lunes para kuno maka-attend ko flag ceremony.

ang iban ko nga classmates nagpili nga pangitaon ang ila kapalaran sa cebu, mindanao kag manila pero ako iya nagdesisyon nga diri mag apply sa lapit, just one pumpboat away – ang guimaras.

daw ga-backward gani akon direction… sa uma na ko ga-istar, sa uma pa ko nag-eskwela kag sa uma pa ko ma-obra. pero ano ka, namian gid ko.

first time ko nga sulod sa National Mango Research Center, aba daw at home na ko dayon. kag wala na ko gin-interview, gin-brief na ko dayon sa obra.

tama ka simple ila pangabuhi didto. una ko nga semana sa office palanakit man akon mata sang basa. siling ni bossing, basa-basa lang ko anay. syempre medyo huya pa gamay te wala pa ga-istorya eh. ara lang ko sa isa ka corner sa room samtang ang kadam-an didto sa pihak nga building. ako pa nga daan nga tama kahuluyaon.

pero after a month (huo, isa ka bulan, nag-umpisa na ko istorya sa iban). aba, mga mayo man gle nga mga tawo. sadya gid sa ila. gina-upod ko nila pirme panyaga. bilib gid ko ni sa ila kay bisan ka-lapit sang ila mga balay, gabalun pa sila panyaga. kung ka-isa indi basta basta ila mga sud-an, adobo nga native manok kag lobster lang man ah. pinakasadya na na tapos panyaga ang magpamati bombohanay bigtime kag magtulog sa may lababo… errrrr…. te kay laboratory naka-tiles tanan nga puti ang table, didto na kami gaharay-ad. siling gani namon kung may mga bisita nga magsulod, masal-an kami nga mga bangkay nga inug-balsamar.

nami man kay walking distance lang sa trappist monastery, may mga monks pa kis-a nga ga bisita sa opisina. na-abtan ko pa sang una ila nga bamboo chapel, kag naka misa de aguinaldo pa ko didto.

taga-adlaw, daw ga-outing lang ko. ano pa bi ang mas manami sa pagtabok sa guimaras strait samtang naga-lantaw sa sunrise kag sunset. tapos kung ga bagyo gani, baw enjoy gid ko sa dalagku nga balud nga ga-hampang sa ginasakyan ko nga pumpboat. ang sa akon lang, gabayad ko gani sakay sa ferrish wheel para lang mahawa^ ko, ano pa gid ayhan kung tuod na gid iya nga balud ang atubang mo.

sari-sari nga mga tawo ang ka-trabaho ko pero mabuot sila tanan sa akon. favorite ko si manang lorna, ang pareho ko nga fan sang tv, nga pirme lang ga-usang sang juicy fruit kay ang label gina-lakip sa gin-computerized nya nga entries sa time check raffle sang bombo.

Isang Tugon

  1. Daw ka tawhay lg sg ubra mo a. It’s nice to hear people enjoying their job.

    yep, tawhay lang sang una sang ubra ko, sa sobra nga pa-tawhay sang supervisor ko, daw ako lang nahuya nga mejo gamay amon output. indi man ko pwede ka lab. analysis kay wala man sya instructions nga ginahatag sa akon. after 10 months, naglisensya ko nga ma-untat. pero enjoy gid ko sa mga upod ko kag sa palibot sang opisina

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

%d bloggers like this: