sunday hitback: itchy, tumble and fall

daw sang san-o lang ‘to nakita nga nagatanum si maninoy, subong gle tig-alani na sang palay. tapos na ang tigkiriwi^.

baw, wala naman ni untat inum sang mga manug garab. pirme naman damo naman ni hubog sa kalsada. buta^ naman ang mga bulsa sang mga tawo sa amon baryo. damo naman ni benta sa amon tiangge, ipahilayo^ lang wala utang. ano na gani ang binalaybay sa utang ah….

utang, lipay lipay… bayad likaw likaw… sukot away away

so para subong nga entry, ari ang gamay ko nga obserbasyon parte sa harvest season

itchy, tumble and fall

originally posted last october 03, 2005

sugod na tig-gararab… damo naman ni maoy kay damo ang gapa-subay.. damo naman ni gabakal whiskey. sang una, basta gani tig-garab gahampang kami sa tumpok sang uhot (rice hay) nga daw gamay nga bukid… as in back dive sa dagami a… pagpuli kung sirom ay abaw.. grabe pangatol sang kalawasan sa gilok sang uhot…. plus ang haranot ni nanay nga nagahulat. may kilala ko sang una nga babae, baw grabe pa gid. tapos nila hampang sa uhot wala na gapa nibin. pagka gab-i gapangatol ila hita, wala bala ginbubu-an ni nanay nila sang rubbing alcohol ah. abaw, ga-biti^ kuno kag gahiriyud sila sa kahapdi^. te man, nakita nila ang ginapangita nila.